Biləsuvar Rayon Məhkəməsində xuliqanlıqda təqsirləndirilən Ramiz Hacıyevin (adı, soyadı şərtidir) cinayət işi üzrə hökm elan olunub.
Cenublu.az Pravda.az-a istinadən xəbər verir ki, məhkəmə Cinayət Məcəlləsinin 221.3-cü (xuliqanlıq) maddəsini 128-ci (qəsdən sağlamlığa yüngül zərər vurma) maddəsinə tövsif edib. Zərərçəkmişlə barışdığına və vurulan zərəri aradan qaldırdığına görə, təqsirləndirilən şəxs cinayət məsuliyyətindən azad edilib, barəsində seçilmiş qətimkan tədbiri ləğv olunub.
İttihama görə, hadisə 15 dekabr 2024-cü ildə Biləsuvar-Bəhrəmtəpə yolunun Nəsimi kəndindən keçən hissəsində baş verib. Qardaşlarının qəza nəticəsində xəsarət almasına əsəbiləşən R.Hacıyev ictimai qaydanı kobud şəkildə pozaraq orada olan həmyerlisi Binnət Kərimova (adı, soyadı şərtidir) nalayiq ifadələr işlədib və üzərindəki mətbəx bıçağı ilə ona xəsarət yetirib. Zərərçəkmişin sağlamlığı qısa müddətə pozulub.
