Bu gün Masallıdan olan şəhid Ağamalı Şamil oğlu Ağayevin doğum günüdür.
Ağamalı Ağayev 1996-cı ildə sentyabrın 23-ü Çaxırlı kəndində anadan olub. 2014-2016-cı illərdə Azərbaycan Silahlı Qüvvələrinin Tərtər rayonunda yerləşən “N” saylı hərbi hissəsində müddətli həqiqi hərbi xidmətdə olub.
Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Ağamalı Ağayev oktyabrın 19-u Füzuli döyüşləri zamanı yaralı hərbi qulluqçunu döyüş meydanından çıxararkən erməni tərəfinin atdığı snayper gülləsi ilə şəhid edilib. Masallı rayonunda torpağa tapşırılıb.
Ölümündən sonra qəhrəmanımız “Vətən uğrunda” və “Qubadlının azad olunmasına görə” medalları ilə təltif olunub.
