Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2025-ci ilin iyun ayında bölgələrdə keçiriləcək vətəndaş qəbulu cədvəli ictimaiyyətə təqdim olunub.
Cenublu.az xəbər verir ki, açıqlanan cədvələ əsasən, aşağıdakı tarixlərdə Lənkəran, Astara və Masallı rayonlarında vətəndaşların qəbulu nəzərdə tutulub:
Lənkəran
3 iyun 2025 – Baş prokuror Kamran Əliyev Lənkəranda vətəndaşlarla görüşəcək.
Əhatə olunan şəhər və rayonlar: Lənkəran, Astara, Lerik.
Astara
4 iyun 2025 – Dini Qurumlarla İş üzrə Dövlət Komitəsinin sədri Ramin Məmmədov Astara rayonunda vətəndaşların müraciətlərini dinləyəcək.
Əhatə olunan şəhər və rayonlar: Astara, Lənkəran, Lerik.
Masallı
12 iyun 2025 – Gənclər və idman naziri Fərid Qayıbov Masallı rayonunda sakinlərlə görüşəcək.
Əhatə olunan şəhər və rayonlar: Masallı, Yardımlı.
Vətəndaşların qəbulu müəyyən edilmiş günlərdə saat 10:00-da başlayır.
