Bu gün Vətən müharibəsi şəhidi, əslən Masallıdan olan Elgün Mikayıllının ad günüdür.
Elgün Aqil oğlu Mikayıllı 2001-ci ildə mayın 13-ü Xıl kəndində anadan olub. Ə.Bəylərbəyov adına Xıl kənd tam orta məktəbində təhsil alıb. 2019-cu ildən Beyləqan rayonunda hərbi hissədə xidmət edib. Vətən müharibəsi başlayanda Füzuli istiqamətində savaşıb. 14 oktyabr 2020-ci ildə Füzuli döyüşlərində şəhid olub. Masallı rayonunda torpağa tapşırılıb.
Ölümündən sonra, “Vətən uğrunda” və “Füzulinin azad olunmasına görə” medalları ilə təltif edilib.
