Əslən Masallıdan olan Əhəd Səmədzadə TR-YÖS imtahanında (Türkiyə Yabancı Öğrenci Sınavı) uğur qazanıb.
“Bizim Lənkəran” Facebook səhifəsində verilən məlumata görə, o, maksimum nəticə - 500 bal toplayaraq dünya birincisi olub.
Belə ki, Əhəd Səmədzadə bu nəticə ilə Türkiyənin ən nüfuzlu universitetlərindən tam təqaüdlə təhsil almaq imkanı qazanıb.
Qeyd edək ki, TR-YÖS imtahanı dünyanın müxtəlif ölkələrindən minlərlə tələbənin qatıldığı, riyaziyyat və məntiq sahəsində yüksək səviyyəli bilik və düşüncə tələb edən beynəlxalq imtahandır.
