Masallıda Viləşçay su anbarında batan şəxsin axtarışı davam etdirilir.
Cenublu.az xəbər verir ki, Fövqəladə Hallar Nazirliyinin "112" qaynar telefon xəttinə Masallı rayonunun İsi kənd sakini 1958-ci il təvəllüdlü Mirmusa Güləhməd oğlu Aslanovun rayonunun Qəriblər kəndindəki Viləşçay Su Anbarında batması ilə bağlı məlumat daxil olub. Əraziyə FHN-nin dalğıc-axtarış qrupunun əməkdaşları cəlb olunub.
Əldə etdiyimiz məlumata görə, M.Aslanov ötən gün saat 18:00 radələrində evdən çıxaraq özünə məxsus mal-qarasının dalınca gedib. Dünəndən ondan heç bir xəbər alınmayıb. Kənd sakinlərinin axtarışı nəticəsində M.Aslanovun geyim əşyaları su anbarının yanında tapılıb. Ona görə ehtimal olunur ki, o, su anbarında batıb.
Qeyd edək ki, hazırda 67 yaşlı Mirmusa Aslanovun axtarışı davam etdirilir.
