Masallı rayonunun Bədəlan kəndində 33 yaşlı kişi əmisini baltalayıb.
Oxu.az-ın məlumatına görə, kənd sakini, 1992-ci il təvəllüdlü Elşən Babayev (ad və soyad şərtidir) sərxoş vəziyyətdə evə qayıdarkən həyətlərində əmisi Raufla qarşılaşıb. Onu həyətdən çıxarmaq istəyən Elşənlə əmisi arasında mübahisə düşüb. Əmisinin çıxmadığını görən Elşən həyətdəki baltanı götürərək ona hücum edib və qolundan xəsarət yetirib.
Hadisə yerinə polis əməkdaşları cəlb olunub. Faktla bağlı cinayət işi başlanılıb.
Masallı Rayon Məhkəməsinin qərarı ilə Elşən Babayev 15 gün müddətinə inzibati qaydada həbs edilib.
