Masallı rayon Heydər Əliyev Mərkəzində “Heydər Əliyev və müasir Azərbaycan mətbuatının inkişaf tarixi” mövzusunda tədbir keçirilib. Bu haqda məlumatı Cenublu.az bu gün, 23 iyul tarixində Masallı rayon İcra Hakimiyyətinə istinadən verir.
Mədəniyyət işçiləri, media nümayəndələri və gənclərin iştirak etdiyi tədbirdə ümummilli lider Heydər Əliyev tərəfindən mətbuatın inkişafında dövlət qayğısı siyasətinin bu gün İlham Əliyev tərəfindən layiqincə davam etdirildiyi diqqətə çatdırılıb. Həmçinin, Azərbaycan dövrü mətbuatının yaranma tarixi haqqında məlumat verilib. Daha sonra bu il 90 yaşını qeyd edən “Yeni həyat” qəzetinin Masallının ictimai-siyasi həyatındakı rolundan danışılıb.
Diskussiya şəklində davam edən görüşdə gənclərin media haqqında sualları cavablandırılıb.
