Masallı rayon sakini Rabil Nurullayevin adam bıçaqlama ittihamı üzrə işinə yenidən baxılacaq.
Pravda.az xəbər verir ki, onun barəsində çıxarılan hökmdən kassasiya şikayəti verilib və iş Ali Məhkəmədə araşdırılacaq.
Xatırladaq ki, Lənkəran Ağır Cinayətlər Məhkəməsinin hökmü ilə Rabil Nurullayev 4 il müddətinə azadlıqdan məhrum edilib. Şirvan Apellyasiya Məhkəməsi bu qərarı qüvvədə saxlayıb.
Hadisə 15 dekabr 2023-cü ildə, gecə saatlarında Masallı rayonunun Qəriblər kəndindəki “Turist” restoranının həyətində baş verib. Mübahisə sifarişin pulunun ödənilməsi üstündə düşüb. Nurullayev həmkəndlisi Asiman Ağayevi bıçaqlayıb və Cinayət Məcəlləsinin 126.1-ci maddəsi ilə ittiham olunub.
