Masallı rayonunda 21 yaşlı şəxs 12 yaşlı oğlana qarşı seksual xarakterli hərəkətlər edib.
Cenublu.az məlumat verir ki, hadisə rayonun Bədəlan kəndində baş verib.
Kənd sakini, 2004-cü il təvəllüdlü Malik Əzimov spirtli içki qəbul edərək evlərinə gəlib. O, evlərində olan stol və divanı həyətə çıxarmaq istəsə də, tək olduğundan gücü çatmayıb. Buna görə də o, həyətə çıxıb, köməkçi axtarıb. Həmin vaxt o, qonşuluqda yaşayan 2013-cü il təvəllüdlü Hikmətin evlərinə su apardığını görüb. O, Hikməti köməyə çağırıb. Hikmət su qabını küçədə yerə qoyub, Malikə köməyə gəlib. Malik Hikmətin evə daxil olduğunu görüb qapını bağlayıb və ona seksual təklif edib. Uşaq bundan imtina etsə də, Malik onu ölümlə hədələyib. Daha sonra o, Hikmətlə qeyri-təbii yolla cinsi əlaqədə olub. Daha sonra Malik ona yenidən hədə-qorxu gələrək, bu barədə kiməsə deyəcəyi təqdirdə onu öldürəcəyini bildirib.
Hikmət ağlaya-ağlaya evlərinə qaçıb və anasına Malikin ona qarşı seksual xarakterli hərəkətlər etdiyini bildirib.
Hadisə barədə polisə məlumat verilib. Malik qorxaraq evlərini tərk edib başqa yerdə gizlənib. Polis əməkdaşlarının keçirdikləri tədbirlərlə Malik saxlanılıb və barəsində məhkəmə qərarı ilə həbs qətimkan tədbiri seçilib.Faktla bağlı cinayət işi başlanıb və iş Lənkəran Ağır Cinayətlər Məhkəməsinə göndərilib. Məhkəmənin hökmü ilə Malik 18 il müddətə azadlıqdan məhrum edilib.
Qeyd edək ki, adlar şərtidir.
Fidan İlqar
