Masallı rayonunun Xıl kənd sakini Nazim İslamovun evinin qaz təminatı 305 manatlıq borca görə bir müddət əvvəl dayandırılıb.
Teleqraf.аz xəbər verir ki, yerli qaz istismar sahəsinin əməkdaşları sayğaca gedən xəttin bir hissəsini qaynaq aparatı ilə kəsib.
Kənd sakininin sözlərinə görə, bu addım barədə ona əvvəlcədən heç bir xəbərdarlıq edilməyib.
Nazim İslamov borcunu tam şəkildə ödəsə də, evinə qaz verilişi bərpa olunmayıb. Dəfələrlə Masallı rayon Qaz İstismarı Sahəsinə müraciət edən sakin iddia edir ki, qurumun əməkdaşları qaz xəttinin bərpası üçün “müvafiq texnikanın olmadığını” bəhanə gətirirlər.
Hazırda kənd sakini vəziyyətin necə həll ediləcəyini bilmir.
