Masallı şəhəri ərazisində yol hərəkəti qaydalarını və ictimai asayişi pozan və vətəndaşların narazılığına səbəb olan sürücülər saxlanılıb. Bu haqda məlumatı Cenublu.az bu gün, 27 iyul tarixində Report.az-a istinadən verir.
Belə ki, Masallı rayon Polis Şöbəsinin əməkdaşları tərəfindən rayon sakini T. Talıbov və Bakı şəhər sakini Ə. Əlizadənin dəfələrlə xəbərdarlıq edilməsinə və barələrində qanunamüvafiq tədbirlər görülməsinə baxmayaraq, özlərinə məxsus avtomobillərə qanunsuz olaraq əlavə avadanlıq quraşdırmaqla və kobud konstruksiya dəyişikliyi etməklə ictimai qaydanı pozan hərəkətlərə yol verdikləri aşkarlanıb.
Həmin sürücülər saxlanılaraq onlarla profilaktiki söhbət aparılıb və törətdikləri əmələ hüquqi qiymət verilməsi üçün toplanmış materiallar Masallı Rayon Məhkəməsinə göndərilib.
Məhkəmənin qərarı ilə hər iki şəxs 8 gün müddətində inzibati qaydada həbs ediliblər.
