Masallı rayon İcra Hakimiyyətinin başçısı Araz Əhmədov rayonun Qızılağac, Viləş, Birinci və İkinci Yeddioymaq, Qasımlı, Şıxlar ərazilərinin sakinləri ilə görüş keçirib. Bu haqda məlumatı Cenublu.az bu gün, 5 avqust tarixində Masallı RİH-yə istinadən verir.
Görüşlərdə rayon rəhbəri ilə yanaşı, rayon İcra Hakimiyyəti başçısının I müavini Məmmədhüseyn Hüseynov, aparatın şöbə müdirləri Qəşəm Hadıyev və Afəddin Kərimov, ağsaqqallar, din xadimləri, ziyalılar, şəhid ailələri, qazilər, gənclər və ərazi sakinləri iştirak ediblər.
Rayon rəhbəri Viləş kəndində iki şəhid qardaşın – Vətən müharibəsi Qəhrəmanı İntiqam Əsgərli və Aprel döyüşləri qəhrəmanı Nurlan Əsgərlinin böyüyüb boya-başa çatdıqları evdə olub, şəhidlərin valideynləri Ziba və Bayram Əsgərovların problemlərini dinləyib.
Kənd sakinləri ilə görüş zamanı içməli su, qəzalı elektrik dirəkləri, eləcə də ərazinin digər problemləri rayon rəhbərinə çatdırılıb, ondan köməklik göstərilməsi xahiş olunub.
[URIS id=21015]
