Masallı rayonunun rəhbəri 3 may tarixində növbəti vətəndaş qəbulunu keçirib. Bu haqda məlumatı Cenublu.az bu gün, 4 may tarixində Masallı Rayon İcra Hakimiyyətinə istinadən verir.
Masallı Rayon İcra Hakimiyyətinin başçısı Araz Əhmədov Masallı Rayon İcra Hakimiyyətinin inzibati binasında vətəndaşların növbəti qəbulunu keçirib. Qəbulda rayon İcra Hakimiyyəti başçısı aparatının məsul əməkdaşları, qəsəbə və kənd inzibati ərazi dairələri üzrə nümayəndələri və bələdiyyə sədrləri iştirak ediblər.
Görüşdə müxtəlif ərazilərdən ümumilikdə 20 nəfərə yaxın vətəndaş müraciət səsləndirib. Vətəndaşların bütün müraciət və təklifləri dinlənilib, qeydiyyatı aparılıb.
Araz Əhmədov görüşü yekunlaşdıraraq, qaldırılan məsələlərin həlli istiqamətində müvafiq qurumlara tapşırıqlar verib.
