Masallı Rayon İcra Hakimiyyətinin kiçik iclas zalında Masallı RİH başçısının birinci müavini Məmmədhüseyn Hüseynov vətəndaşları qəbul edib. Bu haqda məlumatı Cenublu.az bu gün, 23 iyul tarixində verir.
Növbəti qəbulda rayon icra hakimiyyəti başçısı aparatının məsul əməkdaşları, hüquq-mühafizə orqanlarının rəhbərləri, rayonun idarə, müəssisə və təşkilat rəhbərləri iştirak etmişlər.
50 nəfərə yaxın vətəndaşın iştirak etdiyi qəbulda əsasən maddi kömək və işlə təmin olunma, sosial yardım və pensiyanın təyin edilməsi, ünvanlı sosial yardım, payıbəlli, həyətyanı torpaq sahəsinin verilməsi, torpaq sahəsinin müəyyən olunması, Ukraynanın Nikolayev şəhərinə qayıtma, ev problemi, psixi xəstə, əlil uşağına kömək olunması, qaz, işıq, sayğac borcları və s. məsələlər ilə bağlı müraciətlər olunub.
Masallı Rayon İcra Hakimiyyəti başçısının birinci müavini Məmmədhüseyn Hüseynov müraciətlərin həlli istiqamətində müvafiq qurumlara tapşırıqlar verib, bəzi məsələlər isə yerində həll olunub.
