Bu gün Vətən müharibəsi şəhidi, əslən Masallıdan olan Sübhan Həsənovun mövlud günüdür.
Sübhan Rauf oğlu Həsənov 26 iyul 2001-ci ildə Masallı şəhərində anadan olub. 2007-2018-ci illərdə Masallı şəhər İ.Zülalov adına İsgəndərli kənd tam orta məktəbində təhsil alıb. 20 iyul 2019-cu ildə müddətli həqiqi hərbi xidmətə yollanıb. Hərbi xidmətini Goranboy rayonunda yerləşən "N" saylı hərbi hissədə snayper olaraq yerinə yetirib. Vətən müharibəsi zamanı Füzulinin və Suqovuşanın azadlığı uğrunda gedən döyüşlərdə döyüş tapşırığını yerinə yetirərkən şəhid olub. Uzun müddət nəşi tapılmayıb. Sübhan Həsənov 7 dekabr 2020-ci ildə Masallı şəhərinin qəbiristanlığında dəfn olunub.
Ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif olunub.
