Masallıda polis əməkdaşlarının keçirdikləri əməliyyat nəticəsində rayon sakininin qanunsuz ov ilə məşğul olduğu məlum olub. Bu haqda məlumatı Cenublu.az Report.az-a istinadən xəbər verir.
Saxlanılan S.Tahirovun üzərindən 1 ədəd müvafiq sənədləri olmayan "İJ" markalı ov tüfəngi və qanunsuz olaraq ovladığı çöl dovşanı aşkarlanaraq götürülüb.
Tahirov barəsində İnzibati Xətalar Məcəlləsinin 272.3-cü (Ov qaydalarının kobud şəkildə pozulması) və 590.2-ci (Mülki silahın və ya döyüş sursatının saxlanılması, daşınması və ya satılması qaydalarının pozulması) maddələri ilə inzibati protokol tərtib olunaraq baxılması üçün məhkəməyə göndərilib.
