Masallı rayon İcra hakimiyyətinin başçısı Şahin Məmmədov rayonun Boradigah qəsəbəsi, Bədəlan, Hişkədərə, Qızılavar, Mahmudavar, Tüklə və s. kəndləri ərazilərində təsərrüfat başına uçot kitablarının vəziyyəti ilə bağlı yoxlama aparıb. Bu haqda məlumatı İcra hakimiyyətinin rəsmi Facebook səhifəsi verib.
Belə ki, yoxlama zamanı inzibati ərazi dairəsi üzrə nümayəndəlikdə yaradılmış qərargahların, işçi qruplarının fəaliyyəti, mənzillər üzrə təsərrüfat başına uçot kitablarında məlumatların mövcud vəziyyətə uyğun qeyd edilməsini, təsərrüfat üzvlərinin, eyni zamanda həmin ünvanlarda müvəqqəti yaşayan şəxslərin siyahısının dəqiqləşdirilməsini, habelə seçici siyahılarında müvafiq dürüstləşmələr aparılmasının vəziyyəti ilə tanış olunub.
Rayon rəhbəri təsərrüfat başına uçot kitablarında yol verilmiş nöqsanlarla bağlı məsul şəxslərə iradlarını bildirib, şəffaflığın təmin olunması, məsuliyyətin artırılması ilə bağlı öz tapşırıq və tövsiyyələrini verib.
