Masallı rayonunun Təzə Alvadı kənd 1 nömrəli tam orta məktəbində "Narkomaniyaya və erkən nikaha yox deyək!" mövzusunda maarifləndirici tədbir keçirilib. Bu haqda məlumatı Baş Narkotiklərlə Mübarizə İdarəsi verib.
Masallı Rayon Polis Şöbəsinin təşkilatçılığı ilə baş tutan tədbirdə iştirakçılar narkotik vasitələrin səbəb olduğu fəsadlar və acı təsirlər barədə videoçarxı izləyiblər.
Daha sonra "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı"nın əhəmiyyətindən danışılıb.
Həmçinin, tədbirdə erkən nikahın ağır nəticələrindən danışılıb. Erkən nikahların yetkinlik yaşına çatmayan uşaqların hüquqlarının pozulmasına, vaxtsız qurulan ailələrin dağılmasına və cəmiyyətdə sosial problemlərin artmasına səbəb olduğu bir daha diqqətə çatdırılıb.
[caption id="attachment_9226" align="alignnone" width="300"]
Baş Narkotiklərlə Mübarizə İdarəsi[/caption]
