"Masallı Gənclər Evi" sosial xidmət müəssisəsinin kollektivi Vətən
müharibəsi iştirakçısı, veteran Rahid İsgəndər oğlu Kərimovun ailəsini ziyarət edib. Bu haqda məlumatı Gənclər Evinin rəsmi Facebook səhifəsi verib.
Ziyarət zamanı Rahidin keçdiyi şərəfli döyüş yolundan danışılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bölüşüb.
Qeyd edək ki, Vətən müharibəsi iştirakçısı, veteran Rahid Kərimov 1 Yanvar 1997-ci ildə Masallı şəhərinin Mehdihüseyn küçəsində anadan olub. 2001-2012-ci illərdə Masallı şəhər 1 saylı tam orta məktəbdə təhsil alıb.
2015-ci ilin yanvar ayında hərbi xidmətə yollanıb. Həqiqi Hərbi Xidmətini Azərbaycan Silahlı Qüvvələrinin Gəncə Şəhərinin "N" saylı hərbi hissəsində keçib. 2016-ci ilin iyul ayında ordu sıralarından tərxis olunub.
Qəhrəmanımız Qubadlı, Ağcəbədi rayonlarının azadlığı uğrunda gedən döyüşlərdə fəal iştirak edib.
