Masallı rayonunda yol boyu ağaclar əkilir. Bu haqda məlumat bu gün, 8 yanvar tarixində Masallı Rayon İcra Hakimiyyətinin rəsmi Facebook səhifəsində paylaşılıb.
Rayonun Xırmandalı kəndində ağacəkmə işləri aparılır. Belə ki, kəndin giriş hissəsindəki 360 metrlik yolun kənarına 60 ədəd Şam ağacı əkilib.
Ağacəkmə işləri Masallı Rayon İcra Hakimiyyətinin ərazi nümayəndəliyi və kənd sakinlərinin dəstəyi ilə görülüb. Məlumatda qeyd olunur ki, əkindən öncə torpaq şumlanıb yumşaldılmış və əkilən tinglər suvarılmışdır.
