DAİM könüllüləri Masallıda çəltik emalı zavodunda ekskursiyada olublar. Bu haqda məlumat bu gün, 24 yanvar tarixində Aqrar İnkişaf Könüllüləri rəsmi Facebook səhifəsində paylaşılıb.
Masallı DAİM komandasının üzvləri zavoddakı iş prosesi ilə yaxından tanış olublar. Cənub zonasında inkişafda olan çəltik sahəsinin emalı haqda gənclərə ətraflı məlumatlar verilib.
Könüllülər ekskursiya zamanı yeni texnologiyaların tətbiqi ilə çəltik emalı, xüsusi bunkerlərdən istifadə qaydalarını öyrəniblər. Gənclər toxumların saxlanılması, şitillərin əkinə hazırlanması və kiçik texnikalar barədə ətraflı məlumata yiyələniblər.
