Masallı rayon Heydər Əliyev Mərkəzində "20 Yanvar Ümumxalq Hüzn Günü" ilə bağlı anım tədbiri keçirilib. Bu haqda məlumatı Masallı rayon İcra Hakimiyyətinin rəsmi Facebook səhifəsi paylaşıb.
"20 Yanvar – Xalqımızın hüzn, həm də şərəf günüdür" mövzusunda olan tədbir Masallı rayon Heydər Əliyev Mərkəzi və Gənclərin İnkişaf və Karyera Mərkəzinin Masallı nümayəndəliyinin birgə təşkilatçılığı ilə baş tutub.
Tədbirdə Masallı rayon Heydər Əliyev Mərkəzinin kollektivi, Gənclərin İnkişaf və Karyera Mərkəzinin Masallı nümayəndəliyi, Masallı rayon Tarix-diyarşünaslıq Muzeyi, Masallı rayon Gənclər və İdman İdarəsi, Masallı Gənclər Evi "Sosial Xidmət Müəssisəsi", Masallı Dövlət Regional Kollecinin müəllim və tələbələri ilə yanaşı, rayonun fəal gəncləri də iştirak ediblər.
Sonda 20 Yanvar hadisələrini əks etdirən fotostendə baxış keçirilib.
[caption id="attachment_9219" align="alignnone" width="300"]
Masallı Rayon İcra Hakimiyyəti Facebook[/caption]
