Masallı rayonunda avtomobil oğurluğunda şübhəli bilinən şəxs saxlanılıb. Bu haqda Cenublu.az Daxili İşlər Nazirliyinə istinadən xəbər verir.
Belə ki, Masallı Rayon Polis Şöbəsinə yanvarın 14-nə keçən gecə şəhər ərazisindən avtomobilin oğurlanması haqda məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində A.Rəhimliyə məxsus “VAZ-2103” markalı avtomobili oğurlayan Ətcələr kənd sakini H.İbrahimov şübhəli qismində saxlanılmışdır.
Faktla bağlı polis əməkdaşları tərəfindən araşdırma aparılır.
