Ötən həftə Sabirabadda azyaşlıya qarşı əxlaqsız hərəkətlər edən 64 yaşlı Mərdan Hüseynovun məhkəmə prosesi keçirilibş, o, 17 il müddətinə azadlıqdan məhrum edilib. Hadisəni ifşa edən isə onun ögey qızı Nərgiz olub.
Cenublu.az xəbər verir ki, 6 yaşlı Sünbül qonşunun qızıdır və anası işdə olduğu vaxtlarda uşaqları tez-tez Mərdanın ailəsinə tapşırırdı. 2025-ci ilin iyununda yenə Nəzakət uşaqları Mərdanın ailəsinə tapşıraraq öz işinin arxasınca gedib. Bu zaman Mərdanın ögey qızı Sünbüllə bir qədər həyətdə oynadıqdan sonra evə daxil olublar. Həmin vaxt Mərdan öz telefonunda TikTok-a baxırmış. Nərgiz yenidən həyətə qayıtdıqdan sonra Mərdanın əlindəki mobil telefonun səsinin kəsildiyini eşidib, azyaşlı ilə telefona baxmadıqları təqdirdə nə etmələri ona maraqlı gəlib.
Təxminən 2-3 dəqiqə sonra Mərdan onun yanına gələrək mobil telefonunun ekranının kilidə düşdüyünü deyib və aça bilmədiyini bildirib. Nərgiz telefonunda TikTok çəkiliş bölməsində təsadüfən qeydə alınmış 6–7 saniyəlik videoda Mərdanın Sünbülü öpdüyünü görüb və bu davranışdan şübhələnib.
Gördüklərini anasına danışsa da, qadın buna əhəmiyyət verməyib. Ertəsi gün Mərdan yenə uşaqları evə çağıranda Nərgiz gerçəkliyi tam sübut etmək üçün telefonu gizli şəkildə videoyazmaya qoyub. Bir neçə dəqiqə sonra videoya baxdıqda Mərdanın azyaşlıya qarşı əxlaqsız hərəkətlər etdiyini açıq şəkildə görüb.
Nərgiz anasına, o isə Sünbülün anasına videonu göstərib. Lakin uşağın valideynləri “biabırçılıq olmasın” deyə polisə şikayət etməyiblər və videonun silinməsini istəyiblər. Videoçarx telefonun “Galereya”sından silinsə də, “Google Foto”da qalıb.
Zaman keçdikcə ailələrin susması Nərgizi daha çox narahat edib. Nəhayət, 2025-ci ilin iyulunda gizli Instagram hesabı açaraq videonu ictimailəşdirib və sonra hesabı silib. Məhz həmin videonun yayılmasından sonra Mərdan Hüseynov həbs olunub və məhkəmədə cəzalandırılıb.
Qeyd edək ki, xanımların adları şərtidir.
