Ali Məhkəmədə azyaşlı qıza qarşı seksual xarakterli zorakılıq hərəkətləri törətməkdə təqsirləndirilən Ramin Sayadov və əmisi oğlu Nağı Sayadovun (ad və soyadlar şərtidir) barəsində baxılan kassasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Ələsgər Novruzovun sədrliyi ilə keçirilən prosesdə qərar elan olunub. Qərara əsasən, kassasiya şikayəti təmin edilməyib.
İttihama əsasən, Ramin və Nağı Sayadovlar 2011-ci il təvəllüdlü, on dörd yaşına çatmayan Samirə Quliyevanın (adı, soyadı şərtidir) köməksiz vəziyyətindən istifadə edərək və zor tətbiq etməklə ona qarşı iki dəfə seksual xarakterli zorakılıq hərəkətləri törədiblər. Hadisə 2023-cü ilin iyul ayında baş verib.
Lənkəran Ağır Cinayətlər Məhkəməsinin hökmü ilə hər iki şəxs 10 il müddətinə azadlıqdan məhrum edilib.
Qeyd edək ki, hadisə zamanı Ramin Sayadov 11-ci sinif, əmisi oğlu Nağı Sayadov isə 8-ci sinif şagirdi olub.
