Ali Məhkəmədə rüşvət almaqda təqsirləndirilən Vurğun Mənsimovun barəsində kassasiya şikayətinin baxılmasına yekun vurulub.
Pravda.аz xəbər verir ki, hakim Nazim Mövsümovun sədrliyi ilə keçirilən prosesdə qərar elan olunub - kassasiya şikayəti təmin edilməyib.
İttihama görə, Vurğun Mənsimov 2011–2022-ci illərdə Yardımlı rayon Uşaq-Gənclər İdman-Şahmat Məktəbinin direktoru işləyərkən öz vəzifəsindən sui-istifadə edib, 71 445 manat dövlət vəsaitini mənimsəyib, 8 000 manat dələduzluq edib və 3 000 manat rüşvət alıb.
Lənkəran Ağır Cinayətlər Məhkəməsinin hökmü ilə o, 5 il azadlıqdan məhrum edilib. Daha sonra Şirvan Apellyasiya Məhkəməsi onun cəzasını 4 il 9 aya endirib.
Ali Məhkəmə isə həmin qərarı qüvvədə saxlayıb.
