Lənkəran rayonunun inzibati ərazi vahidinə daxil olan Liman şəhərinin mərkəzi parkının vəziyyəti ürəkaçan deyil. Bu haqda məlumatı Cenublu.az bu gün, 5 avqust tarixində verir.
Belə ki, Liman Fəvvarələr parkının ərazisindəndəki fəvvarə uzun zamandır ki, işləmir. Həmçinin park vaxtı-vaxtında suvarlanmır və bu səbəbdən də oradakı yaşıllıqlar getdikcə məhv olur.
Məsələ ilə bağı şəhər sakinləri bildiriblər: “Yay vaxtıdır. Axşamlar övladlarımızla çıxıb parkda dincəlmək istəyirik. Ancaq parkın vəziyyəti buna imkan vermir. Sağolsunlar uşaqlar üçün yelləncək quraşdırıblar. Ancaq yelləncəyin sayını artırsalar və parka bir az fikir versələr daha yaxşı olar. Axı bizim şəhərdə uşaqları aparmağa başqa yerimiz yoxdur”.
Qeyd edək ki, Liman şəhəri keçmişdə Port İliç adlanıb. 1971-ci ildə Port İliç şəhər statusu qazanıb, 1999-cu ildən isə adı dəyişilərək Liman qoyulub. Şəhər Lənkərandan 12 km aralıqda, Xəzər dənizi sahilində yerləşir.
[URIS id=21036]
