İctimai xadim, Heydər Əliyev Fondunun vitse-prezidenti, “Bakı” jurnalı və “İDEA” ictimai birliyinin təsisçisi və sədri Leyla Əliyeva “Bakı” jurnalında Cənub bölgəsinin şəhərlərini özünəməxsus şəkildə təsvir edib.
“Lənkəran cənubun ürəyidir. Burada Xəzər dənizinin sahilindən yollar sizi Astara, Lerik, Yardımlı və Masallıya aparır. Bu yerlərdə Xəzərin havası Talış dağlarının sərinliyi ilə birləşərək olduqca rahat yaşayış məskəni yaradır. Bu rayonlar, xüsusilə Lerik rayonu uzunömürlülüyü ilə məşhurdur. Yaşı əsri keçənlər burada qoca sayılmır və aktiv həyat tərzi sürürlər. Bu xüsusi qocalıqdır - xəstəliksiz, dərmansız.
Ptolemeydən Aleksandr Dümaya qədər bir çox alim və yazıçı, coğrafiyaçı və səyyahlar bu bölgələri təsvir ediblər. Bənzərsiz meşələr, termal bulaqlar, heyrətamiz bitkilər bir çox əsərlərdə yer tapıblar.
Bu yerlərin ən böyük möcüzəsi suda boğulan dəmir ağacdır. Həmçinin burada etnoqrafik zənginliyi və sənətkarlığı ilə sizi valeh edəcək bir çox kəndlər var”, - deyə o qeyd edib.
