Bu gün Vətən müharibəsi şəhidimiz – Tərzan Haşımovun xatirəsi yad edilir.
Tərzan Haşımov 1989-cu il aprelin 13-də Lerik rayonunun Bibihoni kəndində anadan olub.
O, 2016-cı ilin 2-5 aprelində baş verən döyüşlərdə iştirak edib və döyüş zamanı yaralanıb.
Azərbaycan Ordusunun Xüsusi Təyinatlı Qüvvələrinin giziri olan Tərzan Haşımov Vətən müharibəsi zamanı Cəbrayıl və Füzuli rayonunun azadlığı uğrunda gedən döyüşlərdə iştirak edib. 2020-ci il oktyabrın 20-də Füzuli rayonu uğrunda gedən döyüşlər zamanı şəhid olub.
Ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə" medalları və "Azərbaycan bayrağı" ordeni ilə təltif edilib.
