Lerik Rayon Kommunal Müəssisələr İstehsalat Birliyinin rəisi Rasim Əliyevə qarşı Cinayət Məcəlləsinin 320.1-ci maddəsi ilə cinayət işi başlanıb.
Qaynarinfo.az xəbər verir ki, o, Vizəzəmin bələdiyyəsi ilə bağlanmış rəsmi sənədə - müqaviləyə bilərəkdən yalan məlumatlar daxil etməkdə və vəzifə saxtakarlığı törətməkdə ittiham olunur.
Araşdırma zamanı məlum olub ki, sözügedən sənədi Hamarmeşə kənd tam orta məktəbinin direktoru imzalayıb.
Məhkəmənin qərarı ilə Rasim Əliyev 1500 manat, məktəb direktoru isə 3000 manat məbləğində cərimələnib. Hər iki şəxs barəsində "başqa yerə getməmək" barədə qətimkan tədbiri tətbiq olunub.
Qeyd edək ki, 320.1-ci maddəyə əsasən saxta rəsmi sənəd tərtib edən şəxslər 6000 manatadək cərimə və ya 2 ilə qədər azadlıqdan məhrumetmə cəzası ala bilər.
