LDU-nun dosenti, tarix üzrə fəlsəfə elmləri doktoru Əliağa Arif oğlu Baxşıyev uzun sürən xəstəlikdən sonra vəfat edib. Bu haqda məlumatı universitetin rəsmi Facebook səhifəsi verib.
Əliağa Baxşıyev LDU-da "Tarix və onun tədrisi metodikası" kafedrasında uzun illər çalışıb, ötən ildən isə təqaüdə çıxıb.
Qeyd edək ki, Ə.A.Baxşıyev 10 fevral 1941-ci ildə Astara rayonunun Motlayataq kəndində anadan olub. ADU-nun Tarix fakültəsinin əyani şöbəsində təhsil aldıqdan sonra Astara rayonu Siyəkü kəndində tarix müəllimi, saha sonra ADU-nun Tarix fakültəsinin Azərbaycan tarixi kafedrasında laborant, baş laborant, müəllim, baş müəllim və dosent vəzifələrində çalışıb.
1998-2012-ci illərdə Lənkəran Dövlət Universitetinin "Tarix və fəlsəfə" kafedrasına rəhbərlik edib, 2012- 2016-cı illərdə kafedrada dosent vəzifəsində çalışıb, 2016-2018-ci illərdə yenidən “Tarix və onun tədrisi metodikası” kafedrasının müdiri vəzifəsində işləyib.
Ə.A.Baxşıyev 3 dərs vəsaiti, 1 proqram, 19 elmi məqalənin müəllifi idi. 2006-cı ildə Azərbaycan Respublikası Təhsil Nazirliyinin fəxri fərmanı ilə, “Fəxri müəllim” nişanı ilə təltif edilmişdi.
