Lənkəran Dövlət Universitetində (LDU) BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 ilə bağlı dəyirmi masa təşkil olunub. Bu haqda məlumatı Cenublu.az bu gün, 3 may tarixində verir.
“Azərbaycanın COP29-a sədrliyi qlobal Şimal və Cənub arasında körpüdür” mövzusunda keçirilən dəyirmi masada LDU-nun prorektorları, Biologiya və ekologiya, Coğrafiya və onun tədrisi metodikası kafedralarının müəllimləri və tələbələri iştirak ediblər.
Dəyirmi masada Biologiya və ekologiya kafedrasının dosenti Qorxmaz Ağayev iqlim dəyişilmələrinin tarixi və səbəbləri barədə məruzə, Coğrafiya və onun tədrisi metodikası kafedrasının müəllimi Samir Salayev Azərbaycanın iqlim dəyişilmələrinin nəticələrinin aradan qaldırılması üçün həyata keçirdiyi fəaliyyət və COP29-a sədrliyə gətirib çıxaran fəaliyyəti haqqında çıxış ediblər.
Sonda iştirakçıları maraqlandıran suallar cavablandırılıb.
