Bu gün, 6 noyabr tarixində lənkəranlı şəhidlərimiz Emil Qurbanov, Şəhriyar Həbibi və Röyal İbrahimovun anım günüdür.
Şəhid Emil Qurbanov 25 avqust 1980-ci ildə Lənkəran şəhərində anadan olub. 2012-ci ildən 7 nömrəli məktəbdə gənclərin çağırışaqədərki hazırlığı müəllimi vəzifəsində çalışıb.
Vətən müharibəsi zamanı Qubadlı uğrunda gedən döyüşlərdə iştirak edən baş leytenant Emil Qurbanov şəhidlik zirvəsinə ucalıb. Ölümündən sonra “Vətən uğrunda”, “Qubadlının azad olunmasına görə”, “Cəbrayılın azad olunmasına görə” medalları və “Azərbaycan Bayrağı” ordeni ilə təltif edilib.
Şəhid Şəhriyar Həbibi 19 yanvar 1993-cü ildə Osaküçə kəndində anadan olub. Aprel döyüşlərinin iştirakçısı olub.
Vətən müharibəsi zamanı Qubadlı uğrunda gedən döyüşlərdə 6 noyabr tarixində şəhid olub. Ölümündən sonra “Vətən uğrunda”, “Qubadlının azad olunmasına görə” və “Cəsur döyüşçü” medalları ilə təltif edilib.
Şəhid Röyal İbrahimov 19 fevral 2002-ci ildə Vel kəndində anadan olub.
Vətən müharibəsi zamanı 2 noyabr tarixində şəhid olub, 6 noyabrda doğma kəndində torpağa tapşırılıb. Ölümündən sonra “Vətən uğrunda”, “Ağdamın azad olunmasına görə” və “İgidliyə görə” medalları ilə təltif edilib.
