Azərbaycan Respublikası elm və təhsil naziri Emin Əmrullayevin əmri ilə 2024–2025-ci tədris ili üzrə məktəb məzunu, Respublika Fənn Olimpiadalarının ikiqat qızıl medalçısı Ülviyyə Xasiyeva Şahin qızı təhsildə göstərdiyi yüksək nəticələrə görə qızıl nişanla təltif edilib.
Cenublu.az xəbər verir ki, Lənkəran rayonu V.Həsənov adına Liman şəhər 2 nömrəli tam orta məktəbin XI sinif şagirdi Ülviyyənin bu uğuru müəllimlərinin və ailəsinin uzunmüddətli əməyi, dəstəyi və Ülviyyənin öz səyi nəticəsində mümkün olub. Məktəb rəhbərliyi və pedaqoji kollektiv tərəfindən Ülviyyə Xasiyevanın uğuru yüksək dəyərləndirilir.
Cenublu.аz Ülviyyəyə gələcəkdə daha böyük uğurlar arzulayır.
