Lənkəranın məşhur samovarının və onun yerləşdiyi ərazinin baxımsız olmasının səbəbi məlum olub. Bu haqda məlumatı Cenublu.az bu gün, 6 avqust tarixində Lənkəran ŞİH-yə istinadən verir.
Belə ki, Lənkəran ŞİH-dən verilən məlumata əsasən, sözügedən ərazi şəxsi mülkiyyətdir və qanunvericiliyə əsasən orada təmir işlərinin aparılması mülkiyyət sahibi tərəfindən təmin edilməlidir.
Qeyd edək ki, tunc samovar 1978-1979-cu illərdə şəhərin keçmiş baş memarı Marifə Əhmədova tərəfindən qurulub. Bu samovar Lənkəran çayını simvolik olaraq təqdim etmək və rayon əhalisinin qonaqpərvərliyini göstərmək məqsədilə hazırlanıb. İlk dəfə samovar, əvvəllər şəhərin giriş qapısı olan, indiki Bayraq meydanı ərazisində yerləşdirilib. Sonralar isə Xalq sənətkarlığı şəhərciyi yaradılıb və 2008-ci ildə samovar həmin şəhərciyə, yəni indi olduğu əraziyə köçürülüb.
