Lənkəran Şəhər İcra Hakimiyyətində dövlət-biznes tərəfdaşlığı formatında investisiya layihələrinin “Tik-idarə et-təhvil ver” modelinə uyğun işlərin xüsusiyyətlərinə dair görüş keçirilib. Bu haqda məlumatı Cenublu.az bu gün, 23 iyul tarixində Lənkəran ŞİH başçısının müavini Mikayıl Cəfərzadəyə istnadən verir.
İcra başçısı Taleh Qaraşov ilə keçirilən görüşdə KOBİA-nın Dövlət-Özəl Sektor Tərəfdaşlığı (DÖST) İnkişafı Mərkəzinin direktoru Anar Salmanov, Mərkəzin Layihələrin İnkişaf Etdirilməsi və İcrasına Dəstək Departamentinin müdiri Hamlet İsmayılov və Lənkəran KOB dostu Rahib Cəbiyev iştirak ediblər.
“Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı” çərçivəsində Lənkəran rayonunda biznes imkanlarının genişləndirilməsi, bu sahədə icra olunan layihələrdə sahibkarların fəal iştirakının təmin olunması, DÖST mexanizminin tətbiqi ilə özəl investisiyaların cəlb edilməsi, eləcə də KOB subyektlərinin bu tipli layihələrin icrası prosesində daha geniş iştirakını təşviq etmək məsələləri barədə geniş müzakirələr aparılıb.
