Lənkəran şəhəri, Zərifə Əliyeva küçəsində (“Soliton” mağazası ilə üzbəüz) piyadalar üçün təhlükə yaradan nasaz reklam lövhəsi ilə bağlı problem aradan qaldırılıb.
Cenublu.az-a daxil olan məlumata görə, sakinlərin şikayətindən sonra məsələ Azərbaycan Respublikasının Dövlət Reklam Agentliyi tərəfindən nəzarətə götürülüb və müvafiq tədbirlər görülüb. Nəticədə reklam lövhəsi əvvəlki vəziyyətinə qaytarılaraq təhlükəsizlik təmin edilib.
Qeyd edək ki, lövhənin möhkəm bərkidilməməsi səbəbindən onun aşma riski yaranmış, bu da ərazidən hər gün keçən uşaqlar və yaşlılar üçün ciddi təhlükə mənbəyinə çevrilmişdi. Sakinlərin müraciətindən sonra problemə operativ reaksiya verilməsi alqışlanıb.
