Lənkəran şəhərində sahibsiz itlərin sayının artması sakinlər arasında ciddi narazılığa səbəb olub.
Sakinlərin Cenublu.az-a bildirdiklərinə görə, şəhərin bir çox məhəllələrində 15–20-dən çox it sürü halında yaşayır.
Onların sözlərinə görə, bu vəziyyət həm səhiyyə, həm də ictimai təhlükəsizlik baxımından risk yaradır.
“Küçələrdə xəstə və yaralı itlər çoxdur. Qoxu ətrafı bürüyüb, antisanitariya yayılır. Gecələr səs-küy salırlar. Hətta uşaqları tək küçəyə buraxmırıq. Gərək kimisə dişləsinlər ki, ondan sonra tədbir görülsün?” – deyə sakinlər bildiriblər.
Sakinlər bu problemin həlli üçün tədbirlər görməsini xahiş edirlər.
