Lənkərana yağan intensiv yağışlar şəhər ərazisində çətinlik yaradıb.
Cenublu.az-ın verdiyi xəbərə görə, ötən gün axşam saatlarında yağan intensiv yağışlar nəticəsində subasma olub. Sel suları həyətlərə dolub. Nəqliyyatın hərəkətində problem yaranıb. Çətinliklər, əsasən, şəhərin Z.Əliyeva və Səttərxan küçələrində müşahidə olunur.
Su basan ərazilərə Fövqəladə Hallar Nazirliyinin əməkdaşları cəlb olunublar. Həyətlərdə yığılan yağış sularının çəkilməsi istiqamətində işlər davam etdirilir.
Qeyd edək ki, hazırda Lənkəranda leysan xarakterli yağış davam edir.
