Lənkəranda lotereya satışı ilə məşğul olan obyektlərdən daxil olmuş müraciətlər əsasında polis tərəfindən tədbirlər keçirilib. Bu haqda məlumatı Cenublu.az bu gün, 6 may tarixində verir.
Tədbirlər nəticəsində məlum olub ki, Yevlax rayon sakini, əvvəllər məhkum olunmuş Ağəli Əliyev saxlanılıb. O, lotereya satılan 2 mağazaya özünün əvvəlcədən hazırladığı saxta "uduşlu" lotoreyaları təqdim edərək müxtəlif uduş məbləğləri alıb. Həmçinin aşkar edilib ki, A.Əliyev narkotik vasitə aludəçisi olub.
Hal-hazırda A.Əliyevin respublikanın digər şəhər və rayonlarında da analoji əməllər törədib-törətməməsi araşdırılır.
