Lənkəran şəhərində sahibsiz küçə itlərinin sayının artması şəhər sakinlərinin narazılığına səbəb olub. Sakinlərin sözlərinə görə, bu hal son vaxtlar şəhərin bir çox küçə və prospektlərində müşahidə olunur.
Onların Cenublu.az-a bildirdiklərinə görə, xüsusilə axşam və gecə saatlarında küçə itlərinə daha çox rast gəlinir. Park və xiyabanlarda, həmçinin kafe və restoranların qarşısında toplaşan itlər vətəndaşlarda narahatlıq yaradır.
Sakinlər aidiyyəti qurumlardan sahibsiz heyvanların toplanması, onların təhlükəsiz şəraitdə saxlanılması və şəhər ərazisində bu problemin aradan qaldırılması üçün tədbirlər görülməsini xahiş edirlər.
