Lənkəran şəhəri, Zərifə Əliyeva küçəsində (“Soliton” mağazası ilə üzbəüz) sakinlərin və piyadaların həyatına təhlükə yaradan nasaz reklam lövhəsi ciddi narahatlıq mənbəyinə çevrilib.
Sakinlərin Cenublu.az-a verdiyi məlumata görə, reklam lövhəsi lazımi qaydada bərkidilmədiyi üçün aşmaq təhlükəsi yaradır. Həmin ərazidən hər gün uşaqlar, yaşlılar və çoxsaylı piyadalar keçir. Lövhənin aşacağı təqdirdə ciddi xəsarət və ya qəza riski yaranır.
Sakinlər aidiyyəti qurumlardan əraziyə baxış keçirərək lövhəni ya möhkəmləndirməyi, ya da tam sökməyi tələb edirlər.
