Lənkəran şəhərinin Mirzə Ələkbər Sabir küçəsində yerləşən köhnə elektrik dirəyi ciddi təhlükə yaradır.
Yerli sakinlərin Cenublu.az-a verdiyi məlumata görə, dirək hər an ya piyadanın, ya da avtomobilin üzərinə aşıb faciəyə səbəb ola bilər. Bildirilir ki, bir müddət öncə telefon kabelləri ləğv edilərkən dirək də zədələnib, lakin məsul qurumlar onun götürülməsi üçün heç bir tədbir görməyiblər.
Sakinlər aidiyyəti qurumlardan təhlükə mənbəyinin aradan qaldırılması üçün təcili tədbir görülməsini tələb edirlər.
