Lənkəranda baş verən yol qəzası nəticəsində bir neçə nəfər yaralanıb.
Cenublu.az xəbər verir ki, hadisə Lənkəran–Lerik magistralında, rayonun Şovu kəndi ərazisində baş verib.
2003-cü il təvəllüdlü Murad Vasif oğlu Mirzəzadənin idarə etdiyi “VAZ-2106” markalı avtomobil Eldəniz Fayaz oğlu Əmrəyevin idarə etdiyi “Renault” markalı nəqliyyat vasitəsi ilə toqquşub.
Nəticədə “VAZ-2106”nın sürücüsü və digər avtomobildə olan sərnişinlər - 7 yaşlı X. Məmmədli, 12 yaşlı F. Əmrəzadə, 17 yaşlı E. Əmrəzadə və 17 yaşlı Ş. Sultanova müxtəlif dərəcəli bədən xəsarətləri alıblar. Yaralılar Lənkəran Rayon Mərkəzi Xəstəxanasının təcili yardım şöbəsinə yerləşdiriliblər. Hazırda onların müalicəsi davam etdirilir.
Qeyd edək ki, xəsarət alanlardan ikisi məktəbli, digərləri isə tələbədir.
Onu da əlavə edək ki, bir neçə gün əvvəl eyni yolda baş verən digər qəza nəticəsində iki piyada - bacı-qardaş həlak olmuşdu.
Faktla bağlı araşdırma aparılır.
