Lənkəranda baş verən partlayışda xəsarət alan şəxs paytaxt xəstəxanalarının birinə göndərilib.
Bu barədə Cenublu.az-ın sorğusuna cavab olaraq Lənkəran Rayon Mərkəzi Xəstəxanasından məlumat verilib.
Bildirilib ki, 28 may 2025-ci il tarixində səhər saatlarında Lənkəranda baş verən partlayış nəticəsində bir nəfər (kişi cinsli şəxs) xəstəxananın Təcili Tibbi Yardım şöbəsinə hospitalizasiya olunub. Xəsarət alan şəxsin bədəninin müxtəlif nahiyələrində birinci və ikinci dərəcəli termiki yanıqlar aşkarlanıb. Yaralara ilkin tibbi yardım göstərilib. Müalicəsinin davam etdirilməsi üçün o, Bakı şəhərində yerləşən Nərimanov Rayon Yanıq Mərkəzinə göndərilib.
13:33
Lənkəranda mağazada partlayış baş verib.
Cenublu.az xəbər verir ki, hadisə Şovu kəndində mağazaların birində qeydə alınıb. Partlayış o qədər güclü olub ki, mağazanın qapılarını yerindən çıxarıb, tavanı dağıdıb, şüşələri qırıb.
Partlayış zamanı mağazada olan Mahir Cəbrayılov müxtəlif dərəcəli bədən xəsarətləri alıb. O, Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub. Vəziyyətinə uyğun olaraq reanimasiya şöbəsinə yerləşdirilib.
İlkin ehtimala görə, partlayışa soyuduculardan birinin qaz balonunun sıradan çıxması səbəb olub.
Qeyd edək ki, ərzaq məhsulları satılan mağazanın sahəsi təqribən 20 kv. metrə yaxındır.
Fakt üzrə araşdırma davam etdirilir.
View this post on Instagram
