27 oktyabr 2025-ci il tarixində, saat 23:30 radələrində Lənkəran rayon sakini, 1996-cı il təvəllüdlü kişi xəsarət alaraq Lənkəran Rayon Mərkəzi Xəstəxanasının Təcili Yardım şöbəsinə gətirilib.
Cenublu.az xəbər verir ki, müayinələr zamanı ona alt çənə sınığı diaqnozu qoyulub. Pasiyent ilkin tibbi yardım aldıqdan sonra Cərrahiyyə şöbəsində müalicəsi davam etdirilib.
Daha ixtisaslaşmış tibbi xidmət göstərilməsi üçün o, Sabunçu Tibb Mərkəzinə təxliyə olunub.
09:48
Lənkəran şəhəri ərazisində bir qrup şəxs sərxoş vəziyyətdə şəxsi zəmində xuliqanlıq hərəkətləri törədərək iki nəfəri döyüb.
Cenublu.az xəbər verir ki, oktyabrın 28-də gecə saatlarında Hirkan qəsəbə sakini 32 yaşlı Alim Şükürzadə, Lənkəran şəhər sakini 29 yaşlı Cəbrayıl Şirməmmədovu zorla avtomobilə əyləşdirərək Sütəmurdov kəndinə aparıb.
Orada Alim dostları – 36 yaşlı Elvin Quluzadə və 35 yaşlı Elşad Məmmədovla birlikdə Cəbrayılı döyərək xəsarət yetiriblər. Daha sonra həmin yerə gəlmiş Cəbrayılın 30 yaşlı dostu da Alim tərəfindən döyülüb.
Hadisə ilə əlaqədar Alim, Elşad və Elvin polis tərəfindən saxlanılıb. Onlar sərxoş vəziyyətdə olublar.
Faktla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir.
