Balıqların kürütökmə dövründə ölkə ərazisindəki su hövzələrində tətbiq edilən moratoriuma əməl olunmasına nəzarət məqsədilə Su Nəqliyyatında Polis İdarəsinin əməkdaşları tərəfindən profilaktik tədbirlər davam etdirilir.
Cenublu.az-a Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, Lənkəran Xətt Polis Şöbəsinin əməkdaşları tərəfindən keçirilən tədbir zamanı moratorium tələblərini pozaraq qanunsuz balıq ovu ilə məşğul olan R.Əsədov saxlanılıb.
Onun istifadəsində kustar üsulla hazırlanmış, elektrik avadanlıqları ilə təchiz edilmiş balıqovlama vasitələri aşkarlanıb. Həmin alətlərlə ovlanmış 200-dən artıq müxtəlif növ balıq da müsadirə olunub.
Faktla bağlı araşdırma aparılır.
