Lənkəran şəhərində, Vaqif Hüseynov küçəsi və ətraf ərazilərdə elektrik enerjisi ilə bağlı yaranan problemlər sakinləri ciddi şəkildə narahat edir.
Sakinlərin Cenublu.az-a verdiyi məlumata görə, azacıq külək əsən kimi saatlarla işıqlar sönür. Demək olar ki, elə həftə yoxdur ki, məhəllədəki işıq transformatoru partlamasın.
Şikayətçilər bildirirlər ki, bu vəziyyət həm gündəlik həyatlarını çətinləşdirir, həm də məişət texnikasına zərər vurur.
Onlar aidiyyəti qurumlardan problemin aradan qaldırılması üçün təcili tədbirlər görülməsini xahiş edirlər.
