Lənkəranın Səttarxan küçəsində yerləşən kanalın bərbad vəziyyətdə olması sakinlərdə ciddi narazılıq yaradıb.
Onların Cenublu.az-a verdikləri məlumata görə, kanal tamamilə tutulub, su axını iflic olub və durğun sular iy verərək ətrafı yaşanmaz hala gətirib.
“Yayın istisində qapı-pəncərə açmaq olmur, evlərin içinə qədər üfunət dolur. Uşaqlar xəstələnir, nəfəs almaq çətinləşib”, – sakinlər bildiriblər.
Onlar problemin illərdir həll olunmadığını, məsələ ilə bağlı dəfələrlə aidiyyəti qurumlara müraciət edilsə də, nəticə olmadığını qeyd edirlər. Sakinlərin sözlərinə görə, kanalın təmizlənməməsi həm ekoloji, həm də sanitariya baxımından təhlükə yaradır.
View this post on Instagram
